Elvin Nasir & Səma Həşimli- Həsrətindən

Həsrətin dünya boyda yükdü mənim qəlbimdə
Bəlkə də dünyadan da böyükdü dünya nədiki
Mən sənin yoxluğunun çöllərində avarəyəm
Məcnunun gəzdiyi həsrət dolu səhra nədiki

İndi zülmət dolu,həsrət dolu bir dünyasan
Yuxusuz gözlərimdə qorxulu bir röyasan
Mənası olmayan ömrümdə dərin mənasan
Şairin yazdığı sözlərdəki məna nədiki


Toplasam dərya olar gözümnən axan suları
Üstümə hücum çəkir hər gecə dərd orduları
İzah etməz heç bir söz içimdə duyğuları
Nədi yalnız,nədi yalqız ya da tənha nədiki


Qəlbim öyrəncəlidir hər gecə bir dərdi seçir
Gözlərim badədir yanağlarım ordan su içir
Kim görür halımı məcnundu deyib gülür keçir
Olaram sənnən ötür aləmə rüsva nədiki

Bu nə cür bazarlığdı eşqi satıb dərd alaram
O dərdi ev bilərəm çıxmaram ordan qalaram
Elə bir bağibanam bir gül üçün bağ salaram
Olaram aşiq ona bülbülü şeyda nədi ki

Bir gün oyadarsan sən məni bəlkə röyadan
Məni agah edərsən bəlkə sirri müəmmadan
Mən səni düşündükcə hey qopuram bu dünyadan
Cahilin yatdığı o qəfləti röya nədiki

Gəl ey mehri məhəbbətim
Üzün mənnən niyə döndü
Üz çevirsən mənnən canan
Dağılar o gülüzarım

Həsrətindən yandım oda
Gözlərinə canım fəda
Üz çevirsən mənnən canan
Dağılar o gülüzarım


Mən səni əsən küləkdən,yağışdan istəmişəm
Hər gecə sürətini səmalardan izləmişəm
Səni mən xəyallarda ayrı yerdə gizləmişəm
Mənnən soruşma bu sirri müəmma nədi ki

Bədənim düşüb haldan,ruhumun da hali yaman
Ayrılıq həsrəti gün görməyə vermir ki aman
Dəyişmərəm gözünün gözəlliyini mən heç zaman
Gəlsin yanıma min gözləri şəhla nədi ki

Gün keçir günəş batır yavaş yavaş məğrib olur
O zamannan bəri aşiq kədərə mənsub olur
Həsrət qılınc çəkir,sevgi ölür məğlub olur
Gəl izlə amma soruşma bu tamaşa nədi ki

Hər duam sənlə bağlı,əllərim ancaq yuxarı
Bəzən də ərşə çatır yanan qəlbimin buxarı
Məşuq da yanında yox aşiqin nədir çıxarı
Eşq üçün canın verir burda təmanna nədi ki

Dərdə məhkum etmisən dərdi mənlə bölməmisən
Nə də mən dərdi nə cür çəkmişəm heç bilməmisən
Sən mənim gözdən axan yaşlarımı görməmisən
Görsən deyəcəksən dalğalı dərya nədi ki


Həsrətin dünya boyda yükdü mənim qəlbimdə
Bəlkə də dünyadan da böyükdü dünya nədiki
Mən sənin yoxluğunun çöllərində avarəyəm
Məcnunun gəzdiyi həsrət dolu səhra nədiki

Həsrətindən yandım oda
Gözlərinə canım fəda
Üz çevirsən mənnən canan
Dağılar o gülüzarım