İlkin Dövlətov - Xoşum Gəlir

Bu dünyada, bil ki, gülüm
Təkcə səndən xoşum gəlir
Ay incə bel, siyah telli
Təkcə səndən xoşum gəlir

Qılıncını azca əsdir
Al canımı, daha bəsdir
Yığılsalar Leyli, Əsli
Təkcə səndən xoşum gəlir

Bu nə işvə, bu nə nazdır?!
Eşqin günəş, qəlbim yazdır
Gündə min yol desəm azdır
Təkcə səndən xoşum gəlir
Gülüm, səndən xoşum gəlir

Üzün səhər, saçın gecə
Bu ellərdən keçə-keçə
Harada olsam Bakı, Gəncə
Təkcə, səndən xoşum gəlir